Gresa Bakraçi e bronztë në Kampionatin Ballkanik, rekord i ri shtetëror në garën 5000m

18:15 | 28 Korrik 2025
D.H

Atletja kosovare Gresa Bakraçi ka vazhduar paraqitjet mbresëlënëse në Kampionatin Ballkanik në Volos të Greqisë.

Ajo ka fituar medaljen e bronztë në disiplinën 5000 metra dhe vendosur rekord të ri shtetëror me kohën 16:50.24.

Vetëm një ditë më parë, Bakraçi kishte fituar medaljen e argjendtë në garën 3000 metra, po ashtu me rekord të ri të Kosovës, duke e bërë këtë një paraqitje të jashtëzakonshme për 27-vjeçaren në arenën ndërkombëtare.

Kjo paraqitje e dyfishtë jo vetëm që konfirmon formën e lartë të Gresës, por edhe përforcon pozitën e saj si një nga sportistet më të suksesshme të atletikës kosovare.

Federata Atletike e Kosovës dhe opinioni sportiv në vend e kanë përgëzuar për suksesin, ndërsa ky rezultat pritet të jetë një nxitje e madhe për garat e radhës ndërkombëtare./Arbresh.info